Tesla hevur júst nú sent teldupost út til fólk ið hava bílagt Model 3, og annars skrivað seg upp til tíðindabrøv frá Tesla, at Model 3 kann royndarkoyrast frá endanum av januar og byrjanini av februar.
So um tú ert staddur/stødd í Danmark, Noreg, Svøríki, Týskland ella onkum øðrum Evropiskum landi, verður tað møguligt at bíleggja tíð til ein royndartúr í Model 3 um heilt stutta tíð. Eitt nú í Malmø frá í ovurmorgin, 25. januar!
Á myndini omanfyri, fingin til vaga frá “Jan og Pouls Elbilblog” á Facebook (https://www.facebook.com/jpelbil/), síggjast fleiri Model 3 í Dnamarkm ávegis móti Svøríki. Hetta samsvarar væl við tíðindini frá Tesla, líka sum tað eisini er tíðiligt, at allir bilarnir er av Performance modellini, av tí at bilarnir hava trevjaplátu-/carbon-spoylara.
Árið í ár sær út til at gerast árið, har Føroyingar verðuliga taka elbilarnir til sín, serliga nú fleiri sløg av bilum, og fleiri støddir av battaríum, koma á marknaðin, frá alskyns bilframleigarum.
Facebook viðmerkingar